Guddoomiyaha Degmada Marka ee Gobolka Shabeelaha Hoose ayaa sheegay in maamulka uu ku talaabsaday horumar dhinacyada badan leh, ayna qorsheynayaan sidii loo balaarin lahaa adeegyada bulshada.
Guddoomiye Cabdullaahi Cali Axmed Waafow oo wareysi gaar ah siiyay Warbaahinta Qaranka kadib socdaal kooban oo uu ku yimid xarunta Wasaaradda Warfaafinta ayaa sheegay in maamulkiisa uu ku talabasaday dib u heshiisiin ay u qabteen dhamaan qeybaha bulshada ee Gobolka ku nool Degmada Marka, isla markaana bulshadu ay diyaar u yihiin inay la shaqeeyaan Maamulka.
Cabdullaahi Cali Axmed Waafow ayaa xusay in sidoo kale ay hirgeliyeen adeegyada Caafimaadka, Ganacsiga iyo Waxbarashada, taasi oo uu sheegay in magaalada ay ku talaabsatay horumar dhinacyo badan leh.
Guddoomiyaha mar uu ka hadayay arrimaha ammaanka ayaa tilmaamay inay adkeeyeen Nabadgelyada magaalada iyo deegaannada kale ee ku xeeran, isla markaana bulshada Degmada ay u midesaysan yihiin ka hortaggidda falalka ay maleegayaan dhagarqabayaasha Al-Shabaab.
