Kulamo dib-u-heshiisin ah oo ku dhawaad 25 maalmood ka socday magaalada Baledweyne ee Gobalka Hiiran, kaas oo loo qabto beelaha ku nool deegnada gobalkaasi, ayaa lagu guuleystay xabad joojin labo dhinac ah oo ku dhawaad 8 sanno ku dagaalamayay deegnada Kabxanley iyo Deefoow.
Wasaaradda Arrimaha Guddaha, Federaalka iyo Dib u Heshiisiinta Dawladda Federalka Soomaliya ayadoo kaashanaysa Wasaaradda Dib u heshiisiinta ee Dawalad Goboleedka Hirshabeelle, garabna ka helaysa Urur Goboleedka IGAD iyo Midowga Yurub waxa ay in muddo ah ku hawlanayeen xal u helista colaad soo jiitamaysay muddo toban sano ah oo u dhaxeysay beelaha walaalaha ah ee Xawaadle iyo Surre (Faqay Muxumad iyo Faqay Cumar).
Hadaba wax-garadka labada beelood markii ay yeesheen shirar gaar-gaar ah waxa ay ku heshiiyeen qodobada hoos ku qoran:
1. In si shuruud laโaan ah loo joojiyo xabadda, lana kala fogeeyo cidwalba oo hubaysan oo amni darro ka abuuri karta goobihii horay loogu dagaalamay.
2. In wada hadal la isugu yimaado muddo afartan iyo shan cisho (45) gudohood ah kana bilaabanaysa marka beeluhu sixiixaan heshiiska.
3. In laga fogaado is-dhexmar kasta oo sababi kara colaad, dil, dhaqdhaqaaq colaadeed, amni darro ama barakac.
4. In laga fogaado wax walba oo colaad ama kalsooni darro keeni kara sida hadalo xanaf leh oo warbaahinta la mariyo, kicin bulsho iyo hurin colaadeed oo dhiig sokeeye ku daato.
Hadaba cidii ku xadgudubta heshiiska la gaaray waxa ay si buuxda u qaadaysaa masโuuliyadda dhibaatada ka dhalata, waxa ayna mutaysanaysaa ciqaabta hoos ku qoran:
a) Ciddii heshiiskaan xabad joojinta ah jabisa, dil gaysata, colaad abaabusha, waxaa tilaabo sharciga waafaqsan ka qaadaya ciidamada Booliska iyo kuwa Xoogga Dalka Soomaaliyeed.
B) Danbiilihii baxsada waxaa loo soo xirayaa qofka ugu dhow ee damaanadiisa leh sida Aabihiis, Adeerkiis, Walaalkiis, Nabadoonkiisa IWM.
Ugu dambeyntii waxaa kulanka hadalo kooba ka jeediyay Maamulka Goblka Hiiran, kan Hirshabeelle, Dowladda Federaalka Soomaaliyaa iyo labada dhinac madax dhaqameedkooda wax ayna balan qaadeen in ay fulin doonan qodob ee lagu heshiiyay.
