Wasiir ku-xigeenka Wasaaradda Qorsheynta Qaranka iyo Maalgashiga Xukuumadda Federaalka Soomaaliya Marwo Fahmo Axmed Nuur ayaa maanta xilka u kala wareejisay Agaasimaha Guud ee cusub ee Wasaaradda Qorsheynta iyo Agaasimaha Maamulka iyo Maaliyadda.
Munaasabadaan xilwareejinta oo ka dhacday Xarumta Wasaaradda ayaa waxaa goobjoog ahaa Agaasime waaxeedyada iyo la taliyaasha Wasaaradda, waxaana si buuxda Masuuliyada xilka Agaasimaha Guud ula wareegay Agaasimaha Cusub kaas oo dhawaan uu soo magacaabay Wasiirka Wasaaradda Qorsheynta Qaranka mudane Jamaal Maxamed Xasan.
Agaasimaha guud ee cusub Mudane Asad Yuusuf Qanyare oo ka hadlay Munaasabadda Xilka loogu wareejiyay ayaa sheegay inuu si hufan uu gu shaqeyn doono Mas’uuliyadaan Loo egmaday.
Wasiirku Ku xigeenka Wasaaradda Qorsheynta Qaranka oo xilka u kala wareejisay ayaa sheegtay in wax la bogaadiyo ay tahay in Wasiirka Wasaaradda Qorsheynta uu Masuuliyada u igmaday qof faham weyn ka heysta shaqada Wasaaradda in badana ka soo dhax shaqeynayay.
