Agaasimaha guud ee Wasaaradda Qorsheynta Cabdullaahi Cumar Aadan iyo madaxda Mashruuca Biyoole ee Dowlad goboleedka Galmudug ayaa ku wareejiyay, Wasaaradda Xanaanada Xoolaha gaari Ambalaasa oo loogu talagalay daaweynta xoolaha ku dhaqan miiyga.
Gaarigaan oo ah gaari casri ah oo markii ugu horreysay lakeenay deegaanada Galmudug ayaa qeyb ka qaadan doona baahiyaha Caafimaad ee xoolaha Galmudug, isagoo leh agabyo kala duwan sida faranjiyeerka daawada lagu keydiyo, qeybta sheybaarka xoolaha iyo qeybta faradhaqa dhaqaatiirta.
Liibaan Cabdullaahi GorGor, madaxa iibka ee Mashruuca Biyoole iyo Agaasimaha guud ee Wasaaradda Qorsheynta Abdullaahi Cumar Aadan ayaa ka waramey baahiyaha loo arkey in gaarigani dabooli doono.
Agaasimaha guud ee Wasaaradda xanaanada xoolaha Dr Suleymaan Maxamed Saalax oo uu garab taaganaa Wasiirka Wasaaradda Xanaanada Xoolaha ayaa la wareegay gaariga, isagoo uga mahadceliyay Wasaaradda Qorsheynta iyo howlwadeenada mashruuca Biyoole sida hagar la’aanta ah ee ay u la shaqeeyaan Wasaaradda xanaanada xoolaha.
