Ciidanka xoogga dalka iyo kuwa Koonfur Galbeed Soomaaliya ayaa ka hor tegay weerar ay doonayeen nabadiidka Al-Shabaab inay ku qaadaan magaalada Waajid ee gobolka Bakool.
Dagaal kooban oo maanta ka dhacay duleedka Waajid ayaa jab xooggan lagu gaarsiiyey nabadiidka Al-Shabaab, sida ay noo xaqiijiyeen saraakiisha Waajid.
Sarkaal ka tirsan ciidamada Koonfur Galbeed ayaa noo sheegay inay ka hortageen weerarkii argagixisada Al-Shabaab oo khasaare xoogan ay gaarsiiyeen kooxda, isla markaana ay dhawaan soo bandhigi doonaan xogta dagaalkaaas oo dhameystiran.
Degmada Waajid ee Gobolka Bakool ayaa waxaa ay kamid tahay magaalooyinka waaweyn ee gobolka Bakool ee waqti hore laga xoreeyey kooxdaan nabadiidka ah ee Al-Shabaab.
