Guddiga wadajir ah ee qaban qaabada doorashada madaxweynaha oo shalay la magacaabay ayaa maanta yeeshey kulankii ugu horeeyay oo ay ku dooranayaan guddoomiyaha guddiga.
Kulanka guddiga waxaa goobjoog ka ah guddoomiye ku xigeenka koowaad ee Aqalka Sare senator Cali Shacbaan Ibraahim iyo guddoomiye ku xigeenka labaad ee Golaha Shacabka xildhibaan Cabdulaahi Cumar Abshirow iyo mas’uuliyiin kale.
Xilka guddoomiyaha guddiga waxaa is soo sharaxay sadex mudane oo kala ah; 1. Xildhibaan Maxamed Axmed Beereey, 2. Senator Cabdiqani Geele Maxamed, 3. Senator Cabdi Ismaaciil Samatar.
Sidoo kale, guddoomiye ku xigeenka waxaa isu soo taagay; 1. Senator Ibraahim Owgaab Cismaan, 2. Xildhibaan Maxamed Keerow Maxamed, 3. Xildhibaan Maxamed Ibraahim Macalimoow.
