Wasiirka Wasaaradda Maaliyadda Dowlad Goboleedka Puntland Mudane Xasan Shire Cabdi ayaa maanta kormeer shaqo ku tegay Xarunta Wasaaradda Maaliyadda Gobolka Mudug.
Waxaa xarunta ku soo dhaweeyey Wasiirka agaasimaha Furdooyinka Puntland Mahdi Cabdiqaadir Faarax Qambi, Xisaabiyaha Guud ee Wasaaradda Maaliyadda ee Gobolka Mudug Ismaaciil Cabdinuur Geesay iyo Mas’uuliyeen kale oo la tirsan Wasaaradda
Kormeerka Wasiirka ayaa salka ku hayey u kuur galidda hannaanka shaqada Wasaaradda iyo Dar-dar gelinta canshuraha Gobolka Mudug.
Wasiirka ayaa booqday xafiisyada kala duwan ee Wasaaradda waxaana uu warbixino ka dhagaystay maamulka iyo shaqaalaha xarunta waxana uu ku dhiiri geliyey in ay kor u qaadaan dakhliga.
