Ciidamada Xoogga dalka gaar ahaan Kumaandooska Gor-gor ayaa maanta la-wareegey fariisimo cusub oo ay Argagaxisadda Al-Shabaab ka go’doomin jireen Degmada Matabaan iyo deegaannada hoostaga.
Deegaanada howlgalada qorsheyshan Ciidamada ka sameeyeen waxaa ka mid ah. Labi ceebad, Bacaha, Beergadiid, Xodale, Xajiin farayar, laasaban iyo Coomaad deegaannadaas oo dhamaantood u dhaxeeya magaalooyinka Baladweyne iyo Matabaan.
Taliyaha ururka 3-aad guutada 17-aad ee Gor-gor Dhamme, Jamaal Cilmi Aadan ayaa Warbaahinta Qaranka u sheegay in Malleeshiyaadka Al-Shabaab ay isaga carareer Tuulooyinka Ciidanku howlgalada ka sameyeen.
Taliyaha ayaa intaas ku daray in howlgalkoodu ay sii wadi doonaan illaa kooxda Argagaxisada ay ka saaraan goobaha kaga dhuumaaleystaan ee gobolka Hiiraan.
