Wasiirka Amniga Gudaha Xukuumadda Federaalka Soomaaliya Mudane Maxamed Axmed Sheekh Cali (Doodishe) iyo Agaasimaha Guud ee Hay’adda Socdaalka iyo Jinsiyadda Mudane Cabdulqaadir Cilmi Cali (Cabdul), ayaa soo jeedin ku saabsan howlaha shaqo ee Hay’adda Socdaalka iyo Jinsiyadda u sameeyay Raisul-wasaaradaha Xukuumadda Federaalka Soomaaliya Mudane Xamse Cabdi Barre.
Agaasimaha Guud ee Hay’adda Socdaalka iyo Jinsiyadda ayaa Raii’sul-Wasaare Xamse Cabdi Barre u soo bandhigay howlaha hortabinta u leh Hay’add sanadka aan ku jirno iyo qorshayaasha fog ee la doonayo in la fuliyo sanadaha soo socdo.
Dhanka kale Agaasimaha Guud ayaa sidoo kale u soo bandhigay Raii’sul-Wasaaraha Xukuumadda Federaalka Soomaaliya,Waxqabadka sanadkii tagay iyo horumarada la taaban karo oo ay ku tilaabsatay Hay’adda Socdaalka iyo Jinsiyadda kuwaas oo ay kamid yihin dhismaha Xarunta dhexe, hufnaanta iyo dardargelinta adeegyada Hay’adda ay ka bixiso gudaha dalka iyo dibadda.
