Wasiirka Wasaaradda Warfaafinta, Dhaqanka iyo Dalxiiska XFS, Mudane Daa’uud Aweys Jaamac oo ay wehliyaan wasiir ku xigeenka wasaaradda Cabdiraxmaan Yuusuf Al-Cadaala iyo Agaasimaha maamulka iyo maaliyadda ee wasaaradda Cabdinaasir ayaa ballan-qaadka qorshe howleedka wasaaradda ee sanadka 2023-ka waxay u gudbiyeen Ra’iisul Wasaaraha XFS Xamse Cabdi Barre.
Ra’iisul Wasaaraha ayaa kula dardaarmay wasiirka, wasiir ku xigeenka iyo masuuliyiinta kale ee wasaaradda warfaafinta in laga mira dhaliyo qorshooyinka iyo halbeegyada wasaaradda, isagoo dhinaca kale ku boorriyay madaxda in la xoojiyo wadashaqaynta kala dhaxeysa hey’adaha kale ee dowladda, isla-xisaabtanka iyo daahfurnaanta, si guulo la taaban karo looga gaaro arrimaha horqabadka u leh Xukuumadda DanQaran.
