Culimada iyo Jaaliyadda Soomaaliyeed ee ku dhaqan dalka Maraykanka ayaa soo bandhigay taageeradooda ku aaddan dagaalka ka dhanka ah khawaarijta, iyagoo bogaadiyey geesinimada Ciidamada Qalabka Sida iyo bulshada deegaannada la xoreeyey.
Qaar ka mid ah Culimada iyo Jaaliyadda oo kulan la qaatay Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa si wada jir ah u tilmaamay inay garab taagan yihiim Dowladda iyo ciidamada qalabka sida, ayna soo dhaweynayaan guulaha la taaban karo ee laga gaaray dagaalka ka dhanka ah argagixisada Al-Shabaab.
Related posts
Culimada ayaa soo jeediyay in marka laga ciribtiro khawaarijta deegaannada fara ku yiriska ah ee ay kaga dhuumaaleysanayaan khawaarijta Galmudug iyo Hirshabeelle, ay dowladda xoogga saarto dhanka deegaannada Koonfurgalbeed iyo Jubbaland, si guud ahaan dalka looga ciribtiro khawaarijta.
“Mudane Madaxweyne, adiga shacabka Soomaaliyeed iyo dowladdaada waxaa ku guuleysateen inaad khawaarijta ka saartaan inta badan deegaannada Hirshabeelle iyo Galmudug, waxaana codsaneynaa in lixda bil ee soo socota aad argagixisada ka saartaan Deegaannada Koonfur Galbeed iyo Jubbaland”.
