Wasiir ku-xigeenka Wasaaradda shaqada iyo Arrimaha Bulshada Xukuumadda Federaalka Soomaaliya Federaalka,ayaa soo xiray Tababar ku saabsan Maareynta Waqtiga iyo u Hoggaansanaanta Sharciga iyo Anshaxa Shaqada.
Wasiir ku-xigeenka Wasaaradda shaqada iyo arrimaha bulshada Xukuumadda Fedaraalka Soomaaliya Mudane Cusman Libaax Ibraahim, ayaa maanta soo xiray tababar ku saabsanaa maareynta waqtiga iyo u hoggaansanaanta sharciga iyo anshaxa shaqada.
Related posts
Munaasabadda xiritaanka, ayaa waxa goob joog ka ahaa Agaasimaha guud ee Wasaaradda Mudane Abdullahi Maxamed Cali, iyo Agaasimaha Waaxda Qorsheynta iyo Cilmi baarista Mudane Salaad xuseen cabdullahi.
Wasiir ku-xigeenka Wasaaradda shaqada iyo arrimaha bulshadda xukuumada federaalka soomaaliya aya xiritaanka tababarka ka sheegay muhiimadda ay leedahay sare u qaadida aqoonta iyo xirfadaha shaqo ee shaqaalaha dowladda.
โโSare u qaadida aqoonta iyo xirfadaha shaqaalaha dowladda waxay muhiim u tahay howlaha shaqo ee hor yaala xukuumadda federaalka soomaaliya si muwaadiniinta soomaaliyeed u helaan adeeg ku dhisan tayo iyo xirfad sareโโayuu ku daray Wasiir ku xigeenka.
Sidoo kale Wasiir ku xigeenka Wasaaradda shaqada iyo arrimaha bulshadda xukuumada federaalka soomaaliya Mudane Cusmaan Libaax ibraahim,ayaa goobta ka sheegay
โโjoogteynta tababaradda waxay dowr weyn ka qaadan karaan tayadda adeega shaqo ee Wasaaradda bixisoโโ
Tababarka maanta la soo xiray oo uu bixinaaye khabiir ka tirsan Wasaaradda, Mudane Salaad Xuseen Cabdulle, ayuu diiradda ku saaray Maareynta Waqtiga iyo u Hoggaansanaanta Sharciga.
Gabagabadda, munaasabadda Wasiir ku-xigeenka Wasaaradda shaqada iyo arrimaha bulshadda xukuumada Fedaraalka Soomaaliya Mudane Cusmaan Libaax Ibraahim, ayaa ku booriyey shaqaalaha in ay joogteeyaan ka qaybgalka tababaradda Wasaaradda bixiso, Wasaaradda waxa ay masโuul ka tahay tababaradda shaqaalaha dowaladda, iyadoo qorshaha sanadka soo socda uu noqon doono in la kordhiyo tababarada ay bixiso Wasaaradda.
Wasiir ku-xigeenka Wasaaradda ayaa yiri ” waa inay dhammaan shaqaalaha Dowladda soo xaadiraan goobahooda shaqadda, lana sameeyo suul saarka soo galidda iyo ka bixista shaqaddaโโ.
