Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Garoonka diyaaradaha Aadan Cadde ee Magaalada Muqdisho kusoo dhaweeyay Wafdi ka socday Dowladda Kenya oo Magaalada Muqdisho u yimid ka qeyb galka furitaanka xarunta dhexe ee Akadeemiya Goboleedka Af-Soomaaliga ee AGA.
Wafdigaan ayaa waxaa ka mid ahaa Wasiirka Gaashaandhiga dalka Kenya Mudane Aadan Barre Ducaale, Guddoomiyaha Gaarisa Mudane Nadhif Adama Jama, Xildhibaan Yuusuf Xasan iyo Mas’uuliyiin kale.
Madaxweynaha Jamhuuriyadda Soomaaliya Mudane Xasan Sheekh Maxamuud iyo Madaxweynaha Jamhuuriyadda Jabuuti Mudane Ismaaciil Cumar Geelle ayaa si wadajir ah xarigga uga jaraya Xarunta Akadeemiya Goboleedka Af-Soomaaliga.
