Wasiir ku-xigeenka Wasaaradda Awqaafta iyo Arrimaha Diinta Xukuumadda Federaalka Soomaaliya Mudane Xil Saalax Shariif Sayid Cali oo maanta Xafiiskiisa ku qaabilay Wasiiradda Awqaafta iyo Arrimaha Diinta Dowlad Goboleedyada Hirshabelle iyo Koonfur Galbeed.
Wasiir Saalax, ayaa Wasiirada uga Warbixiyay howlaha uqabsoomay Wasaaradda sanadkii 2022, Qorshaha Wasaaradda ee 2023, Barnaamijka Xukuumada #DANQARAN ee Ciribtirka afkaaraha kooxaha Khawaarijta iyo muhiimada Wasaaradda Awqaafta iyo Arrimaha Diinta Xukuumadda Federaalka Soomaaliya u leedahay gaarida deeganada laga xoreeyay kooxaha Khawaarijta ee caadeystay daadinta dhiiga shacabka Soomaaliyeed.
Wasiirka, ayaa sidoo kale adkeeyay muhiimada ay Qarankan uleedahay iskaashiga Wasaaradaha labada Heer, isagoo xusay in Wasaaraddu diyaarisay Culimo aqoon sare u leh dabargoynta Afkaraaha Xagjirnimada oo dhawaan ka howlgali doona furimaha dagaalka iyo deegaanada laga xoreeyay cadowga Khawaarijta ah.
