Wasiirka Wasaaradda dhallinyarada iyo Ciyaaraha Xukuumadda Federaalka Soomaaliya xil Maxamed Barre Maxamuud oo ay weheliyaan Agaasimaha guud ee Wasaaradda Mudane Cabdiraxiim Warsame Diiriye iyo madaxa mashaariicda wasaaradda Ugbaad Nuur Cabdullaahi, ayaa kulan la yeeshay Safiirka Midowga Yurub u fadhiya Soomaaliya Ambassador Tiina Intelmann.
Wasiirka, ayaa danjiraha Midowga Yurub la wadaagay qorsheyaasha hortabinta u leh Wasaaradda sida Ansixinta Siyaasadda la-dagaalanka Maandooriyaha, shaqo abuurka dhallinyarada Soomaaliyeed iyo dayac-tirka garoomada dalka.
Related posts
Danjiraha Midowga Yurub, ayaa ballan qaaday inay Wasaaradda Dhallinyarada iyo Isboortiga Jamhuuriyadda Federaalka Soomaaliya kala shaqaynayaan sidii tababarro xagga xirfadaha ah loo siin lahaa dhallinyarada si loo yareeyo suuqa shaqo la’aanta.
Wasiirka iyo Mas’uuliyiinta kale ee la socday, ayaa sidoo kale la wadaagay Safiirka Midowga Yurub wixii ay ku soo arkeen kormeer ay shalay Wasiirka iyo mas’uuliyiinta kale oo Wasaaradda ka tirsan ku tageen Garoomada Muqdisho ku yaala, waxayna Midowga Yurub ballan qaadeen inay sidii ay u taageereen dhismihii Stadium Mogadisho ay garoomada dhimmanna gacan ka siin doonaan.
Waxaa sidoo kale kulanka la isla fahmay muhiimadda kor joogtaynta Wasaaradda ee dhammaan mashaariicda la xiriira dhallinyarada ee laga fulinayo waddanka gudihiisa, si loo hubiyo in dhaqaalaha loogu talo galay in dhallinyarada Soomaaliyeed wax loogu qabto u gaaray siddii saxda aheyd ee loogu tallo galay.
