Gudoomiyaha hay’adda Maareynta Musiibooyinka Qaranka ee SoDMA Maxamuud Macallin Cabdulle oo ay wehliyaan Wasiir ka Gar-gaarka Koonfur Galbeed Cabdinaasir Caruush, Wasiirka Beeraha Koonfur Galbeed Soomaaliya Mustaf Axmed Iidow, Wasiirka Hawlaha Guud KGS Daahir Cabdi Cabdullaahi iyo Gudoomiyaha Magaalada Baydhabo Cabdullahi Cali Watiin, ayaa si wada jir ah u dhagax dhigay Xarunta Gurmadka deg degga ee Dowlad Goboleedka Koonfur Galbeed Soomaaliya.
Gudoomiyaha SoDMA ayaa sheegay in ay dhawaan dhisi doonaan Xarunta Gurmadka deg degga taas oo baahi wayn looga qabo deegaannada Koonfur Galbeed, Iyadoo Gudoomiyuhu uu dhawaan Magaalooyinka Dhuusamareeb iyo Jowhar ka soo dhagax dhigay Xurunta Gurmadka deg degga ah.
Sidoo kale Wasiirada iyo Maamulka Magaalada Baydhabo oo ka hadlay munaasabadda dhagax dhigga xarunta, ayaa sheegay in baahi weyn loo qabay dhismaha xarunta taas oo ay oga mahadcelinayaan Hay’adda maaraynta musiibooyinka Qaranka.
Ugu danbayn Gudoomiye Maxamuud Macallin ayaa u mahadceliyay Wasiirka Wasaaradda Gar-gaarka, Wasiirka hawlaha guud, Wasiirka Beeraha iyo Maamulka Magaalada Baydhabo sida wanaagsan oo ay hay’adda u soo dhaweeyeen uguna deeqeen dhul laga dhiso Xarun loogu adeego shacabka Koonfur Galbeed.
