Wasiirka Wasaaradda Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya, Mudane Maxamuud Cabdiraxmaan Sheekh Faarax (Beenebeene),ayaa maanta daah furay shir lagu dardargalinaayo qabashada tirakoobka Qaranka.
Wasiirka, ayaa shegay in tirakoobku u aad muhiim ugu yahay in laga fuliyo dalka uu na kaalin mugleh ka qaadan doonno dhinacyo kala duwan sida ogaanshaha tirada saxda ah ee bulshada Soomaaliyeed, iyo qorsheynta bixinta adeegyadda Dowladda.
Shirka oo ay qeyb ka ahayen Wasiirradda Wasaaradaha Qorsheynta ee Dowlad Goboledyada xubnaha ka ah Dowladda Federaalka (Galmudug, Hirshabelle, Konfur Galbeed & Jubaland) iyo Madaxa Hay’ada UNFPA Soomaaliya ayuu Wasiirka ku booriyay Wasiirradda inay si mugleh uga qeyb qaataan qabashada tirakoobka.
Ugu dambeyn, Wasiirka ayaa uga mahadceliyay Agaasimaha Guud Ee Hay’adda Istaatistikada Qaranka Mudane Sharmarke Faarax, Ku-xigeenka Agaasimaha Guud Mudane Cabdiraxmaan Cumar Daahir Iyo dhammaan hawlwadeenada Hay’adda hawsha quruxda badan oo ay qaranka u hayaan.
