Howgalkaan oo ahaa mid qorshaysan ayaa wadajir waxaa u fuliyay Ciidamada Xoogga Dalka iyo Daraawiishta Galmudug waxayna kula wareegeen Saldhiyo khawaarijta Al Shabaab ku lahaayeen koonfurta Gobolka Mudug.
Howgalka ayaa inta uu socday waxaa lagu dilay horjoogayaal iyo maleshiyaad ka tirsan khawaarijta arxanka daran ee Al-shabaab
Saraakiisha ciidamada ayaa soo bandhigay Saldhigyadii iyo gododkii khawaarijta Al Shabaab ku laayeen deegaannada lagala wareegay
Howgalka jabka lagu gaarsiiyay khawaarijta ayaa waxaa hogaaminayay Taliyaha Ururka 6 aad Tuulada 16 aad ee Danab Axmed Maxamed Salaad.
Geedi Qalabxor oo ka tirsan Saraakiisha Daraawiishta Galmudug iyo Taliyaha Saldhiga Booliska Deegaanka Bajeela Axmed Xuseen Rooble oo qeyb ka ahaa Saraakiisha Howgalka hugaaminayay ayaa sheegay in guulo laga gaaray Khawaarijta Al Shabaab.
Guddoomiyaha Guddiga Difaaca Gobolka Mudug Cabdimanaan Sheekh Maxamed Cismaan ayaa Ciidamada xoogga Dalka iyo Daraawiishta Galmudug ku amaanayay doorkooda ku aadan dabar goynta Khawaarijta Al Shabaab.
