Guddiga Khayraadka Qaranka, kaabayaasha Dhaqaalaha iyo Gaadiidka Aqalka Sare oo gudanaya waajibaadkooda Dastuuriga ah, ayaa maanta xafiiskooda ugu yeeray masuuliyiinta Wasaaradda Hawlaha Guud, Dib u dhiska iyo Guriyeynta oo uu hoggaaminayey Wasiir Ismaaciil Cabdiraxmaan Sheekh.
Kulanka oo ku saabsanaa kala warqaadasho iyo isla xisaabtan ku qotoma howlaha Wasaaradda, ayaa Wasiirka iyo xubnaha kale ee la socday wax looga waydiiyay, qorshe howleedka Wasaaradda, Mashaariicda ay gacanta ku hayaan iyo kuwa socda, xiirka kala dhexeeya Dowlad Goboleedyada, goobaha danta guud sida wadooyinka iyo hagaajintooda iyo caqabadaha haysta oo ay tahay in guddigu ay wax kala qabtaan.
Related posts
Guddoomiyaha Guddiga Khayraadka Qaranka Aqalka Sare Senator Saynab Ismaaciil Maxamed oo kulanka soo xirtay ayaa Wasiirka, ku xigeenadiisa iyo xubnaha kale ee la socday uga mahad celisay sida ay warbixinta uga siiyeen howlaha Wasaaradda, iyadoo la isla qaatay hirgelinta waxyaabihii kulanka ka soo baxay.
