Wasiirka Wasaaradda Caddaaladda iyo Arrimaha Dastuurka Xukuumaadda Federaalka Soomaaliya,ayaa maanta hor geeyay Golaha Shacabka Baarlamaanka Jamhuuriyadda Federaalka Soomaaliya xubnaha gudiga madaxa bannaan ee dib u eegista iyo hirgalinta Dastuurka KMG ah oo ay dhawaan ay soo gudbiyeenย Wasiirrada Xukuumaadda Federaalka Soomaaliya.
Xubnahan oo ka kooban shan xubnood, ayaa golaha waxay u qaadeen cod ayagoona ku ansixiyay cod aqlabiyad ah, iyadoo aysan jirin mudane diiday ama ka aamusay.waxaana ansixiyay xubnaha guddiga madaxa-bannaan ee dib u eegista iyo la socodka dastuurka, 143-Xildhibaan oo ah tirada kulanka uu ku furmay.
Related posts
Ansixinta kadib, ayaa wasiirka Wasaaradda Caddaaladda iyo Arrimaha Dastuurka Xukuumadda Federaalka Soomaaliya mudane Xasan Macalin Maxamuud wuxuu u mahadceliyay xildhibanada golaha shacabka sida aqlabiyada leh ay u ansixiyeen xubnaha gudiga madax bannaan ee dib u eegista iyo hirgalinta Dastuurka oo ay soo gudbisay wasaarada Caddaaladda iyo Arrimaha Dastuurka.
Xubnaha la ansixiyay ayaa kala ah:ย
1. Mohammed Hassan Idriss
2. Ahmed Mohamuud Jama
3. Mohamed Abdalla Salah
4. Farhia Mumin Ali
5. Burhan Adan Omar.
