Wasiirka Wasaaradda Waxbarashada, Hiddaha iyo Tacliinta Sare ee Xukuumadda Federaalka Soomaaliya Mudane Faarax Sheekh Cabdulqaadir ayaa maanta gaaray magaalada New Delhi ee caasimadda Dalka Hindiya.
Garoonka diyaaradaha ee (Indira Gandhi international) waxaa ku soo dhaweeyay Safiirka Safaaradda JF Soomaaliya ee dalka Hindiya Danjire Axmed Cali Daahir iyo Ku-xigeenkiisa Mudane Cabdifataax Cabdullahi Nuur.
Wasiirka Iyo wafdigiisa ayaa maalmaha soo socda u joogi doona dalka Hindiya hawlo shaqo, halkaasi oo uu kulamo kula qaadan doonamas’uuliyiin kala duwan.
