Wasiirka Wasaaradda Caafimaadka iyo Daryeelka bulshada Xukuumadda Federaalka Soomaaliya Dr Cali Xaaji Aadan iyo Sii hayaha safiirka safaaradda Ingiriiska ee Soomaaliya Lottie Burrows ayaa maanta kala saxiixday heshiis is afgarad oo ku saabsan mashruuc caafimaad oo lagu horumarino adeega caafimaad ee Hooyada iyo Dhallaanka
Mashruuca Better Lives oo ay fulin doonto UNICEF wuxuu socon doona muddo sedex sano ah, waxaana laga fulin doonaa maamul goboleedyada Jubbaland, Galmudug iyo Gobolka Banaadir.
Wasiirka Caafimaadka iyo Daryeelka bulshada Dr Cali Xaaji Aadan ayaa Boqortooyada Ingiriiska uga mahadceliyay taageerada ay mar walba u muujiyaan dadka Soomaaliyeed, wuxuuna dhinaca kale xusay inuu mashruucan ka qeyb qaadan doono yareynta dhimashada Hooyada iyo dhallaanka
Sii hayaha safiirka safaaradda Ingiriiska ee Soomaaliya Lottie Burrows yaa sheegtay In heshiiskan uu muhiim u yahay nidaamka caafimaad ee Soomaaliya, islamarkaana uu qeyb weyn ka qaadan doono dadaallada ay Wasaaraddu ugu jirto Horumarinta adeegyada Caafimaadka ee dalka.
