Guddoomiyaha Hay’adda Maaraynta Masiibooyinka Qaranka (SoDMA) Mudane Maxamuud Macalim Cabdulle iyo Wasiirada Wasaaradaha Arrimaha Gargaarka iyo Maaraynta Masiibooyinka Dowlad Goboleedyada Hirshabeelle, Galmudug, Jubbaland iyo Koonfur Galbeed ayaa kulan la qaatay Deeq bixiyeyaasha Soomaaliya ee Arrimaha Gargaarka ka shaqeeya.
Kulankan ayaa looga hadlay.
– Sii xoojinta arrimaha wada shaqaynta ee deeq bixiyaasha, hay’adaha ka shaqeeya arrimaha Beni’aadannimada iyo dowladda Soomaaliya.
– Hubinta tayeynta howlaha ka jawaabidda xaaladaha Beni’aadannimo ee Soomaaliya
– Tayeynta hay’adaha ka shaqeeya maaraynta masiibooyinka heerarka kala duwan ee dowladda Soomaaliya
– Diyaarinta mashaariic kor loogu qaadaayo u adkeesiga aafooyinka ka dhaca dalka.
Ugu danbeen, Gudoomiyaha ayaa u mahadceliyay deeq bixiyaasha una balan qaaday in dowladda Soomaaliya u fududaynayso fulinta mashaariicda arimaha gargaarka bin’adannimo.
