Aqoon isweydaarsi ku saabsan la dagaallanka fikirka argagixisada iyo badqabka suxufiga oo ay ka qeybgalayaan illaa 40 Suxufii oo kala socda Warbaahinta Qaranka, Warbaahinta gobolka Banaadir, Warbaahinta dowlad Gobaleedyada iyo Warbaahinta gaarka loo leeyahay ayaa maanta uga furmay magaalada Muqdisho.
Tababarkan oo socon doona labo maalin ayaa waxaa iska kaa shanaya Waaxda Wacyigalinta ladagaallanka fikirka xagjirka ee Wasaaradda Warfaafinta Xukuumadda Federaalka iyo shirkadda Albany oo qabata tababarada wacyigalinta iyo saxaafadda.
Tababarka ayaa waxaa furay Agaasimaha Guud ee Warfaafinta gobolka Banaadir Cabdillaahi Wiish oo sheegay tababarkan inuu qayb ka yahay sidii kor loo qaadi lahaa fikirka la dagaallanka Khawaarijta.
Tababarayaasha siminaarka bixinaya ayaa weriyayaasha iyo dad kale ee tababarka ka qeybgalaya la wadaagay khibradooda ku aadan meelaha ay ka soo shaqeeyeen sida Afghanistan iyo Ciraaq iyo sida loo tebiyo wararka ladagaallanka xagjirka iyo dhibaatooyinka ay geestaan xagjiriinta.
Ugu dambeyn tababarka waxaa lagu soo bandhigay warbixin guud oo ku saabsan waxa ay qabato hay’adda dhaqancelinta Qaranka (DRC).
Heyadda ayaa sheegtay in ilaa shan xarumood ay ku lee yihiin dalka oo lagun dhaqan celiyo kuwa ka soo goosta kooxda Al Shabaab. Xaruntoodana ay yimaadeen tan iyo markii la dhisay lix kun oo qof ay ka soo goosteen kooxda Al Shabaab.
