Shacabka Dalka Turkiye ayaa xalay u dabaal-degay si wanaagsan ka dib markii Madaxweyne Recep Tayyip Erdogan uu ku guuleystay tartankii labaad ee doorashooyinkii ka dhacay dalkaasi Turkiye.
Erdogan ayaa helay 52.14 boqolkiiba codadka wareegii labaad ee Axadii, isagoo ka adkaaday Kemal Kilicdaroglu oo la tartamayay, kaasoo ku guuleystay 47.86 boqolkiiba, sida uu sheegay golaha sare ee doorashada.
Dad badan oo taageerayaal ah ayaa muujiyay sida ay ugu faraxsan yihiin guusha madaxweynaha,kuwaas oo isugu tagay bannaanka hore ee qasrigiisa weyn ee ku yaalla cidhifka Ankara.
Natiijada ayaa la filayaa in la xaqiijiyo maalmaha soo socda,iyadoo la tilmaamayo in Hogaamiyaha mucaaradka uusan si cad u aqbalin guusha madaxweyne Erdogan.
