Taliye ku-xigeenka Ciidanka Booliska Soomaaliyeed Sareeye Guuto. Cismaan Cabdulahi Maxamuud (Kaniif), ayaa Akademiyada Booliska Sareeye Guuto Kaahiye, tababar Meheradeed uga furay Saraakiil ka tirsan Ciidanka Nabadgelyada Waddooyinka ee Traffico.
Tababarkan ayaa waxaa fulinaya Ciidanka Booliska Soomaaliyeed iyo Boliiska ATMIS, waxaana inta tababarku socdo ay ku baran doonaan habka hagidda iyo Ilaalinta Nabadgelyada Wadooyinka, Sida looga hortago Amnidarada iyo fulinta Sharciyada Wadooyinka.
Furitaanka tababarkan ayaa waxaa goobjoog ahaa Hoggaanka Qorshaha iyo Tababarka, Qeybta Nabadgalyada Waddooyinka iyo Saraakiil ka socotay Booliska ATMIS.
