Burcad hubeysan oo u dhashay dalka Uganda ayaa magalada Kampala ee Caasimadda dalkaasi Uganda, ayaa waxaa dil iyo dhawac loogu gestay muwaadiniin Soomaaliyeed oo ka mid ahaa Soomaalida ku noolaa halkaas.
Kooxdan Burcadda ah ayaa sida la sheegay tiro dhalinyaro Soomaali ah ku weeraray guri ay daganaayeen oo ku yaalla magalada Kampala, waxaana weerarkaas ku geeriyooday hal ruux, halka mid kalana uu ku dhaawacmay.
Dadka Soomaaliyeed ee ku nool dalka Uganda, gaar ahaan kuwa degan Magalada Kampala ayaa wajahaya cabsi ka dhalatay weerarkaan ay geysteen kooxdan Burcadda ah.
Afhayeenka Ciidanka Booliska Uganda ayaa sheegay in Ciidamada Boolisska ay tageen halkii uu falka ka dhacay, ayna ku howlanyahiin baaritaanno ku saabsan dadkii weerarka geystay iyo waxyaabaha sababay weerarkaas.
