Madaxweynaha Dowlad Goboleedka Hirshabeelle Mudane Cali Guudlaawe Xuseen ayaa maanta kulan la qaatay Wafdi sare ah oo ka socday Hay’adaha Caalamiga ee World Vision, DRC ICF iyo SOMREP oo soo gaaray Jowhar.
Kulankaan oo Madaxweynaha Hirshabeelle ay ku wehliyeen qaar kamid ah Golihiisa Wasiirada ayaa looga hadlay kor u qaadidda mashaariicda horumarinta oo Hay’adahaan ay ka wadaan deegaannada Hirshabeelle iyo kuwa u qorsheysan, gaar ahaan ka hortagga fatahaadaha wabiga Shabeelle, Beeraha Cunnada iyo sare u qaadista dalagyada abuurka, caawinta barakacayaasha iyo shaqo abuurka dhallinyarada.
Madaxweynaha Hirshabeelle ayaa Hay’adahaan la wadaagay in muhiimad gaar ah ay u leedahay in adeegyada horumarinta la gaarsiiyo deegaanadii dhowaan laga xoreeyay kooxda khawaarijta Al-shabaab si bulshada ay u helaan adeegyada muhiimka ah.
