Wasaaradda Waxbarashada, Hiddaha iyo Tacliinta Sare ee Xukuumadda Federaalka Soomaaliya ayaa waxaa sharaf weyn u ah in ay soo bandhigto deeq Waxbarasho heerka PhD, taas oo Madaxweynaha Jamhuuriyadda Federaalka Mudane Dr.Xasan Sheekh Maxamuud ugu deeqay in ay ka faa’iideystaan aqoonyahanka Soomaaliyeed.
Waxbarashada waxaa bixinaysa Jaamacadda Qaramada Midoobay ee Nabadda (University for Peace), sidoo kale Deeqdan waxaa bixisay Qatar Charity, iyadoo uu Madaxweynaha lahaa soo jeedinta deeqdan.
Fursaddan waxay u furantahay mawaadiniinta Soomaaliyeed ee buuxiya shuruudaha, waxaana lagu bixinayaa tartan furan oo caddaalad ah.
Hadaba waxaa lagu wargelinayaa dhammaan ciddii doonaynsa inay ka bogtaan faahfaahinta la socota linkiga hoose kaas oo aad ka helayso qaabka codsiyada loo soo gudbinayo takhakhusaadka iyo shuruudaha laga doonayo codsadaha.
https://docs.google.com/document/d/1PenAP9YRPHU0-BkceDxvYABaFM4-gO_3/edit?usp=sharing_eil_se_dm&rtpof=true&sd=true&ts=64c8feca
