Agaasimaha Guud ee Wasaaradda Qorsheynta, Maalgashiga iyo Horumarinta Dhaqaalaha ee Xukuumadda Federaalka Soomaaliya, Mudane Maxamed Xasan Shire ayaa maanta kulan la qaatay Agaasimayaasha Guud ee Wasaaradaha Qorsheynta ee Dowlad Goboleedyada Dalka oo Muqdisho u yimid in ay ka qeybgalaan ansixinta Warbixinta Dib-u-eegista Muddada Dhexe ee Qorshaha Horumarinta Qaranka 9-aad.
Kulanka ayaa looga arinsaday sidii loo sii xoojin lahaa wada-shaqeynta labada dhinac si loogu guuleyso fullinta Qorshaha Horumarinta Qaranka 9-aad iyo horumar dhaqaale oo joogta ah oo lagu soo dabbaalo guud ahaan dalka.
Agaasimaha Guud ayaa uga mahadceliyay Agaasimayaasha Dowlad Goboleedyada ee Qorsheynta sida hagar la’aanta ah ee ay gacanta uga geysteen Warbixinta Dib-u-eegista Muddada Dhexe ee Qorshaha Horumarinta Qaranka 9-aad iyo guud ahaan wada-shaqeynta kala dhaxeysa Wasaaradda Qorsheynta Qaranka.
