Gudoomiyaha Guddiga Horumarinta Adeegga Bulshada ee Golaha Shacabka Baarlamaanka Jamhuuriyadda Federaalka Soomaaliya Xildhibaan Nadra Saalax Cabdi oo ay wehlinayeen Xoghayaha iyo Xubnaha Guddiga ayaa maanta ka qeyb-galay, shir soconayay Muddo labo Maalin ahย kaasoo ay soo Qaban-qaabisay Wasaaradda Qorshaynta, Maalgashiga iyo Horumarinta Dhaqaalaha XFS iyo Hay’adda Istaatiistikada.
Shirka oo ajendahiisu ahaa doorka Baarlamaanka ay ka qaadaan karaan, fulinta Heshiiskan Caalamiga ah ee loo yaqaano ICPD 1994ย Cairo, kaasoo lagu saxiixay shirkii Caalamiga ahaa ee ka dhacay Wadanka Masar, gaar ahaan Magaalada Caasimadda ah ee Qaahira, shirkaasoo lagu saxiixay hirgelinta Horumarinta Dadweynaha.
Related posts
Madasha ayaa lagu soo bandhigay. Warbixintii ugu horeysay oo heer Qaran ah. taasoo uu Dalkeena ka soo saaray, 2018-2022.ย waxaa sidoo kale, Dib-u-eegis lagu sameeyay. waxyaabaha ka hirgelay, shirkaasi caalamiga ahaa. kaasoo hada laga joogo, muddo ku siman.Soddon Sano.
Dhanka kale Xildhibaanadii iyo Mas’uuliyiintii ka socday Wasaaradda oo uu hor-kacayay Wasiirka Wasaaradda Mudane Maxamuud Cabdiraxmaan Beenebeene ooย dood dheer ka yeeshay, sidii looga qeyb-qaadan lahaa, loona fulin lahaa Barnaamijkan la-xariira Horumarinta Dadweynaha gaar ahaan Bulshadda Soomaaliyeed.
Ugu Dambeyn, Gudoomiye Xildhibaan Nadra ayaa kaga mahadcelisay Madaxda Wasaaradda Qorshaynta iyo Hay’adda Istaatiistikada Qaranka, Dadaalkii iyo juhdigii balร arnaa ee ay geliyeen inay soo saaraan Warbixintan Quruxda badan.
“Ka Baarlamaan ahaana wax badan ayaan kala shaqeyn doonaa Wasaaradda, ee dhanka dardar gelinta, Wadashaqeynta iyo fulinta heshiiskaan Caalamiga ah ee ku saabsan Horumarinta Dadweynaha, ayna sii wadi doonaan xoojinta, Dadaalada Horumarineed ee la xariira Horumarinta Dalka iyo Dadka Soomaaliyeed”. Ayay tir Xildhibaan Nadra.
