Madaxweyne ku xigeenka koobaad ee Dowlad Goboleedka Jubbaland Mudane Maxamuud Sayid Aadan iyo wafdi ka kooban golayaasha kala duwan ee Jubbaland howlo oo shaqo u jooga gobolka Gedo ayaa maanta gaaray Degmada Buurdhuubo ee Gobolka Gedo.
Wafdiga Madaxweyne ku xigeenka Jubbaland ayaa kormeeray qeybaha kala duwan ee Degmada, iyagoo la kulmay Bulshada iyo mas’uuliyiinta Degmada iyo deegaannada hoos yimaada.
Madaxweyne ku xigeenka koobaad ee Dowlad Goboleedka Jubbaland Mudane Maxamuud Sayid Aadan ayaa dhagax dhigay Xarunta Degmada Buurdhuubo oo dib u dhis balaaran lagu samaynayo iyo goobo kale oo adeegyada bulshada muhiim u ah.
