Taliyaha Ciidanka Xoogga Dalka Soomaaliyeed Sareeyo Gaas Ibraahim Sheekh Muxudiin ayaa kormeer ku tagay xerada tababarka ee Turki-Som ee duleedka magaalada Mudisho, halkaas oo ku soo dhaweeyay Taliyaha Kulliyadda Turki-Som ee Dowlada Turkiga u jooga Soomaaliya.
Taliyaha Ciidanka Xoogga Dalka Soomaaliyeed Sareeyo Gaas Ibraahim Sheekh Muxudiin oo ay wehliyaan Saraakiil ka tirsan Ciidanka Xoogga Dalka ayaa kulan la qaatay Taliyaha Kuliyadda Turki-Som ee Dowlada Turkiga u jooga Soomaaliya.
Sareeyo Gaas Ibraahim Sheekh Muxudiin ayaa Taliyaha Kulliyadda kala hadlay sara u qaadista tababarada iyo Dhismaha Ciidanka Xoogga Dalka Soomaaliyeed, waxaana uu sheegay in Dowladda Soomaaliya ay si weyn kaga go’an tahay in la horumariyo ciidanka xoogga dalka Soomaaliyeed oo haatan ah kuwa leh cudud iyo tababaro sare.
