Agaasimaha guud ee hay’adda Socdaalka iyo Jinsiyadda Soomaaliyeed mudne Axmed Siciid Maxamed ayaa maanta u soo xiray Madaxda sare iyo Saraakiisha xirfadlayaasha ee hay’adda Socdaalka iyo Jinsiyadda kulan wadatashi ah oo ku saabsanaa ka tala bixinta xeer- nidaamiyayaasha lagu dhaqayo sharciyada dhaqangalka ah ee hay’adda, kaas oo uga socday mudo 4-maalmood ah magaalada Muqdisho.
Agaasimaha guud ayaa ugu horeyn ku amaanay Madaxda Sare iyo Saraakiisha xirfadlayaasha ah ee hay’adda socdaalka iyo Jinsiyadda Soomaaliyeed, doodaha waxgalka ah ee ay mudada 4-ta maalmood ah ka yeesheen soo saarista xeer nidaamiyayaal lagu dhaqo sharciyada dhaqangalka ah ee hay’adda, wuxuuna kula dardaarmay Saraakiisha in xeerarka leysla gartay ee ka soo baxay madashan, iney muhiim tahay in lala wadaago Saraakiisha kale ee aan fursaddan la siin ee ku sugan xarumaha shaqada.
Gabagabadii, Agaasimaha guud ee hay’adda mudane Axmed Siciid Maxamed iyo masuuliyiin kale oo ka tirsan hay’adda Socdaalka iyo Jinsiyadda ayaa halkaa ku gudoon siiyay shahaado sharaf qaar ka mid ah Saraakiishii ka qeyb qaadatay aqoon isweydaardiga, wuxuuna ku soo dhamaaday kulanku jawi aad u wanaagsan.
