Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa Danjiraha cusub ee Dowladda Talyaaniga ay u soo magacawday Soomaaliya mudane Pier Mario Daccò Coppi warqadaha aqoonsiga kaga guddoomay Munaasabad ka qabsoomtay Madaxtooyada Qaranka.
Danjiraha cusub oo ka mahadceliyey soo dhaweynta wanaagsan ee loo sameeyay, ayaa Dowladda iyo shacabka Soomaaliyeed ugu hambalyeeyay guushii taariikhiga ahayd ee dalka looga qaaday cuna-qabatayntii hubka waxaana uu bogaadiyay hormarada laga gaaray dagaalka dalka looga sifeynayo Khawaarijta
Madaxweynaha Jamhuuriyadda iyo Danjiraha ayaa ka wada hadlay xoojinta xiriirka diblomaasiyadeed iyo iskaashiga ay Dowladda Federaalka Soomaaliya la leedahay Talyaaniga, waxa uuna Madaxweynaha xusay ahmiyadda ay leedahay lin agu garab istaaggo dowladda Soomaaliya iyo shacabkeeda dagaalka ay kula jirto argagixisada
