Agaasimaha Waaxda Qorsheynta ee Wasaaradda Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya, Mudane Muuse Maxamed Cusmaan ayaa maanta la kulmay Agaasimaha Guud ee Agaasinka Qorsheynta ee Maamulka Gobolka Banaadir, Mudane Cabdulqaadir Dalxa.
Kulanka oo Ka dhacay xarunta Maamulka Gobolka Banaadir ayaa diiradda lagu saaray wadatashiga ku saabsan dib u cusbooneysiinta Qorshaha 9-aad ee Horumarinta Qaranka (National Development Plan-9), Qorshe-hawleedka Sanadka ee Maamulka Gobolka Banaadir iyo xoojinta wadashaqeynta Wasaaradda Qorsheynta Qaranka iyo Maamulka Gobolka Banaadir.
Kulanka waxaa qeyb ka ahaa mas’uuliyiin ka kala socotay Waaxda Qorsheynta Wasaaradda Qorsheynta Qaranka iyo Agaasinka Qorsheynta Maamulka Gobolka Banaadir.
