Wasiirka Arrimaha Gudaha iyo Amniga dalka Malawi H.E. Dr. Ken Zikhale Ng’oma iyo Wasiirka Arrimaha Gudaha, Federaalka iyo Dib u heshiisiinta Mudane Axmed Macallim Fiqi ayaa maanta magaaladda caasimadda dalka Malawi ee Lilongwe ku daahfurey tababar la xiriira Diiwaangelinta Dadweynaha (National ID) iyo nidaamka Dad dhigista, iyada oo la dul Istaagayo tijaabada guuleysatey ee dalka Malawi oo hal sano gudihiis ku Diiwanagaliyey dad ka badan toban malyan oo muwaadiniintiisa ka Mid ah.
Dawladda Soomaaliya ayaa daahfurtey barnaamijka aqoonsiga iyo Diiwaangelinta Dadweynaha bishii September 2023 ayadoo qorshuhu yahay in 4 sano gudahoood lagu diiwaangaliyo 15 malyan oo muwaadin oo hadda laga bilaabay magaalada Muqdisho.
Xafiiska Ra’isul waaaaraha, Wasiiradda Arrimaha gudaha Dawlad goboleedyada, iyo madaxda iyo hawlwadeenno ka kala socda hey’adda NIRA iyo xafiiska Dad dhigista Wasaaradda Arrimaha gudaha ayaa ka faa’ideysanaya tababarkan iyo waaya-aragnimo wadaagaan, lana filayo in aqoonta laga soo kororsado booqashadaan ay noqon doonto Mid looga faa’ideysto hawlgalka hey’adda NIRA iyo xafiisyada diiwaangelinta Dad dhigista.
Hey’adda UNDP xafiiskeeda Soomaaliya ayaa dowladda Soomaaliya ka taageertey sidii ay shaqadan baaxadda leh ay hirgeli lahayd.
