Wasiirka Wasaaradda Caafimaadka iyo Daryeelka Bulshada Xukuumadda Federaalka Soomaaliya Mudane Cali Xaaji Aadan oo uu wehliyo Agaasimaha Guud ee Machadka Caafimaadka Qaranka (NIH) Dr Xuseen Abuukar Muxuddiin ayaa kulan la qaatay koox farsamo oo ka socotay Xarunta Xakamaynta iyo Kahortagga Cudurrada ee Afrika (Africa CDC).
Kooxdu waxay Wasiirka uga warbixiyeen hawl-gal 4-maalmood ah oo lagu qiimaynayey Xarumaha Hawl-galka Degdegga ah ee Caafimaadka Dadweynaha (PHEOC) iyo Xarumaha Maareynta Dhacdooyinka (IMC). Waxay la wadaageen natiijooyinka waxayna soo jeediyeen tallaabooyin lagu taageerayo cusboonaysiinta xarumaha PHEOC iyo tababarro lagu xoojinayo la socodka, u diyaargarowga iyo ka hortagga xaaladaha degdegga ah ee caafimaadka.
Related posts
Ujeedka howlgalka ayaa ah in dowladda Federaalka Soomaaliya laga caawiyo dhanka tayaynta si ay si wanaagsan uga jawaabto dhibaatooyinka xaaladaha caafimaadka ee daddaga ah.
Wasiir Aadan ayaa uga mahadceliyey kooxda CDC ee Afrika dadaalka ay ugu jiraan xoojinta awoodda Soomaaliya ay ugu diyaargarowdo ugana jawaabto xaaladaha degdegga ah ee caafimaadka bulshada. Wuxuu sheegay inay ka goโan tahay Wasaarada Caafimaadka iyo Daryeelka bulshada XFS inay dhaqangeliso talooyinka la soo jeediyay.
