Deegaanka Hilmo oo qiyaas ahaan Degmada Gaalkacyo ujira 85kM isla markaana ka mida deegaannada aysan ka jirin Waxbarashada maadigaa ayaa markii ugu horeysay waxaa Wasaaradda Waxbarashada Galmudug ay ka bilaawday hirgalinta dugsi hoose dhexe oo wax lagu barayo boqalaal carruur ah oo aan nasiib yeelan iney helaan Waxbarashada ay heystaan asaagood
Bulshada deegaanka oo ay wehliyaan Macalamiinta dugsiyada Qur aanka iyo Culimada deegaankaasi oo la hadlay Warbaahinta Qaranka ayaa soo dhaweeyay in markii u horeeysay taariikhda deegaanka Hilmo laga hirgaliyo bilowga Waxbarashada maadiga ah.
Kormeeraha Wasaaradda Waxbarashada Galmudug ee Gobalka Mudug Sahal Nuure iyo hoolwadeeno kale oo ka tirsan Wasaaradda ayaa bogaadiyay sida bulshada deegaanka oo isku duuban ay u aqbaleen in Hilmo laga bilaabo markii ugu horeysay Waxbarashada maadiga ah loogana faa’iideeyo carruurta halkaasi ku nool.
