Agaasimaha Guud ee Wasaaradda Qorshaynta Maalgashiga iyo Horumarinta Dhaqaalaha, Mudane Maxamed Shire oo ay weheliyaan Agaasimaha Qorshaynta, Mudane Muuse Cismaan iyo Ku-simaha Agaasimaha Kormeerka iyo Qiimaynta, Mudane Cabdullaahi Cabdi Nuur ayaa maanta kulan kula qaatay xarunta Wasaaradda saraakiil ka kala socotay hay’adaha UNICEF iyo WFP.
Ujeedada shirka ayaa ahayd sidii looga wada tashan lahaa hirgelinta wajigiisa labaad ee Barnaamijka Wadajirka ee u adkeysiga (JRP 2.0). Barnaamijkan ayaa dabooli doona howlaha waxbarashada, Biyaha, fayadhowrka iyo nadaafadda (WASH), iyo nolosha waxaana laga fulin doonaa afar degmo oo ka kala tirsan dowlad goboleedyada Puntland iyo Galmudug, laga bilaabo sanadkan 2024. Barnaamijkan ayaa ah mid waafaqsan ujeedooyinka Qorshaha 9-aad ee Horumarinta Qaranka (NDP-9), gaar ahaan horumarinta arimaha bulshada.
