Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) oo uu wehliyo Xoghayaha Guud ee Maamulka Gobolka Banaadir Mudane Feysal Caraale Afrax, ayaa Aqalka Dowladda Hoose ee Xamar Shahaado Sharaf ku guddoon-siiyay Abwaan Salaad Cabdulle Caadle iyo Fanaanad Caasho Kiin Cilmi Xaanshi.
Labada Muwaadin ayaa shahaado sharaftan loo gudoonsiiyay in lagu dhiirageliyo doorkooda Wacyigalinta bulshada iyo xoojinta dareenka wadaniyadeed ee la xiriira difaaca madax-banaanida dhuleed iyo badeed ee dalkeena, iyadoo Abwaan Salaad Cabdulle Caadle uu yahay Abwaanka curiyay ereyada Heesta Badeenu iib maaha, halka Fanaanad Caasho Kiin ay ku luuqeysay Heestaasi. Waxaa lagu dhiirageliyay in ay halkaasi kasii waddaan u adeegista Qaranka Soomaaliya.
