Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Aqalka Dowladda Hoose ee Xamar ku qaabilay Safiirka Dawladda Talyaaniga u fadhiya Soomaaliya Danjire Pier Mario Daccรฒ Coppi, iyagoo ka wada hadlay xoojinta xiriirka labada dhinac, iskaashiga Dowladdaha Hoose ee Talyaaniga iyo Dowladda Hoose ee Muqdisho.
Sidoo kale Duqa Muqdisho iyo Danjire Pier ayaa ka wada hadlay sidii ay Dowladda Talyaaniga dib-u-dhis ugu sameyn laheyd dhismooyinka ay ku leeyihiin Magaalada Muqdisho, iyagoo si wadajir ah kormeer ku wada tagay dhismaha Casa Italia, oo dhawaan dib loogu wareejiyay Dowladda Talyaaniga, halkaas oo la filayo in Dowladda Talyaaniga ay ka hirgeliyaan Dugsi Farsamo oo Gacanta ah.
