Ciidanka Xoogga Dalka iyo Geesiyaasha dadka deegaanka ayaa saaka cashar lama iloobaan ah Khawaarijta ugu dhigay magaalada Caad oo ay isku dayeen inay ku soo qaadaan weerar.
Ciidanka Qaranka iyo Geesiyaasha oo u diyaarsanaa dhagarta Cadowga ayaa dhabarka ka jabiyay qorshihii Khawaarijta.
Saraakiil ka tirsan Dawladda oo la hadlay warbaahinta Qaranka ayaa sheegay in haatan Cadowga Khawaarijta lagu sii baacsanayo bannaanka magaalada laguna daba joogo firxadkooda.
Waxaa halkaas laga dheehan karaa inay jabeen khawaarij oo waxaa yaalo meelkasto meedkooda. Khawaarijta ayaa mararka qaar isku dayaan inay soo weeraraan,Goobahii gacantooda laga saaray.Waxa ayna kala kulmaan jab aad u daran Ciidanka Xoogga iyo kuwa deeganka oo is garabsanaayo.
Ciidanka Dawladda iyo geesiyaasha dadka deegaanka, ayaa horay si buuxda ula wareegay magaalooyin badan oo ka tirsan gobalka Mudug kuwaas oo ay ku jirto magaalada Caad.
