Maxamed Xasan Qoone oo ah lataliyaha Madaxweynaha JFS ee dhanka xiriirka dowlad goboleedyada dalka ayaa ku baaqay in sida ugu dhaqsiyaha badan loo joojiyo colaadda ka soo cusboonaatay magaalada Beladweyne ee xarunta Gobolka Hiiraan, isagoo dalbaday in wax waliba lagu xaliyo miiska wada hadalka.
Maxamed Xasan oo la hadlayay Warbaahinta Qaranka ayaa ugu baaqay madaxda sare ee dowlad goboleedka Hirshabeelle inay door muhiim ah ka qaataan xalinta khilaafka soo noq noqday ee ragaadiyay horumarka Gobalka, waxaana uu xusayt inay lagama maarmaantahay in waxkasta lagu dhameeyo miiska wada hadalka si looga baaqsado waxkasta oo gacan ka hadal sababi kara.
“Madaxda Hirshabeelle waxaa looga fadhiyaa inay xaliyaan tabashooyinka bulshada reer Hiiraan, waxaan kaloo leeyahay nabad ayaa naas la nuuge ah ee ha laga wada shaqeeyo Nabadda”. Ayuu yiri Maxamed Xasan Qoone.
Lataliyaha Madaxweynaha JFS ee dhanka xiriirka dowlad goboleedyada dalka ayaa sidoo kal,e odoyaasha dhaqanka iyo qeybaha kala duwan ee bulshada ka dalbaday inay arrintan shir deg deg ah ka yeeshaan oo ay ka shaqeeyaan nabadgeltyada.
