Wasiirka Wasaaradda Arrimaha Gudaha, Federaalka iyo Dib u heshiisiinta Xukuumadda Federaalka Soomaaliya mudane Cali Yuusuf Cali – Xoosh ayaa maanta booqday xarunta Aqalka dowladda hoose ee Xamar, isaga oo kulan gaar ah la qaatay Guddoomiyaha Gobolka Banaadir ahna Duqa Muqdisho mudane Yuusuf Xuseen Jimcaale (Madaale).
Kulankan ayaa looga hadlay xoojinta wada shaqeynta Wasaaradda Arrimaha Gudaha iyo Maamulka Gobolka Banaadir, fulinta qorshayaasha hortabinta u leh labada dhinac iyo sidii la isaga kaashan lahaa horumarka iyo dhismaha golayaasha dowladda Hoose ee Xamar.
