Dagaal lagu Jabiyey Ciidamada Israa’iil oo ka dhacay Magaalada Qaz Dagaal xooggan oo u dhaxeeyay ururka Xamaas iyo Ciidanka Israaiil ayaa ka dhacay Waqooyiga Magaalada Gaza waxaana ka dhashay dhimasho, dhaawac iyo burbur soo gaaray qaar kamid ah gaadiidkii ay wateen ciidamada Yuhuudda.
Afhayeeenka ciidanka Xamaas oo ka hadlay dagaalka dhacay ayaa sheegay inay hayaan muuqaallo caddaynaya khasaaraha gaaray ciidanka Yahuuda ee Qaza weerarka gardarada ah ku haya.
Afhayeenka u hadlay ciidanka Xamaas ayaa yiri” waxay ciidankeenu dhexda u galeen ciidamo saf dheer ku socday oo katirsan maamulka Yahuuda, taas oo keentay in uu dhaco dagaal qaraar oo sababay inay go’doomaan qaar ka mid ah ciidankii aan wadada u galnay iyo gadiidkii Gaashaanaa ee hareeraha ka socday”.
Dagaalka kadib Warbaahinta ayaa soo warinaysa in Ciidamada Israaiil ay duqayn xooggan ka gaystay goobaha dagaalka culus uu ka dhacay, Iyadoo la arkayay taangiyadooda oo isaga baxaya qaybo kamid ah Xaafadaha dhaca Waqooyiga Magaalada Qaza.
