Danjire Jabriil Ibraahim Cabdulle Safiirka Soomaaliya ee dalka Kenya oo casuumad ka helay dhigiisa Safiirka boqortooyada dalka Thailand u fadhida dalka Kenya Marwa, Morakot Janemathukorn, ayaa safar shaqo ku tagay dalka Thailand.
Ujeedka Safarkaan uu Danjirahuย ku tagay dalka Thailand ayaa waxaa uu salka ku hayay xoojinta xiriirka labada dal iyo in dowlada Thailand ay u soo bandhigto shacabka Soomaaliyeed adeegyada caafimaad ee casriga ah ee ka jira gudaha dalkaย Thailand.
Related posts
Shacabka Soomaaliyeed eeย ay la soo darsaan ama ku dhacaan cudurada aan lagu daaweyn karin dalka gudihiisa ayaa caafimaad ka raadsadaย dalka dibadiisa. Dalka Thailand ayaa noqon kara mid ka mid ah dalalka kala duwan ee u furan muwadiniinta Soomaaliyeed ee u baahan inay helaan adeegyo caafimaad oo tayo leh.
Dajire Jabriil iyo holwadeenno la socday oo marti u ahaa Safaaradda Thailand ee dalka Kenya ayaa sidoo kale waxa ay booqdeen Isbitaalada kala duwan ee ka howlgala dalka Thailand. Sidoo kale Safiirka iyo diblomaasiyiinta la socotay waxa ay safaro ku kala bixiyeen gobolada kala duwan ee dalkaas.
Xiriirka labada dal ee Thailand iyo Soomaaliya ayaa labadii sano ee la soo dhaafay ahaa mid soo kobcaya, iyada oo dalka Thailand dhawaan ay ugu deeqday Soomaaliya kaalmo dhaqaale oo lagu taageerayo dadka ay dhibaatada ka soo gaartay fatahadii wabiyada.
Dowladda Thailand ayaa horay waxa ay deeqo waxbrasho u siin jirtay arday Soomaaliyeed. Sidoo kale Ganacsato Soomaaliyeed ayaa xiriir ganacsi oo tayo leh la lahaa dalka Thailand, iyaga oo ka soo dhoofin jiray dalkaas badeecado kala duwan. Waxaa sidoo kale jira Ganacsato u dhashay dalka Thailand oo ganacsiyo kala duwan kawada dalka Soomaaliya.
Socdaalka Safiirka Soomaaliya ee dalka Kenya Danjire Jabriil Ibraahim Cabdulle ee uu ku tegay dalka Thailand ayaa waxa uu sii xoojinayaa xiriirka labo geesoodka ah ee Soomaaliya iyo Thailand ka dhexeeya.
Horaanta sanadka soo socda ayaa la filayaa in masโuuliyiin heer Wasiiro ah oo ka kala socda labada dal ay booqasho kala duwan ku kula bixiyaan labada dal.
