Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa ka tacsiyeeyey geerida naxdinta leh ee ku timid Alle ha u naxariistee, Marxuum Senetor Maxamed Cali Yuusuf (Gaagaab) oo maanta ku geeriyooda dalka Turkiga.
Ra’iisul Wasaaraha, ayaa marxuumka oo ka mid ahaa xildhibaannada Aqalka Sare ku sifeeyey siyaasi ruug-caddaa ahaa, hoggaamiye dhaqan yaqaan ah iyo nabaddoon ku suntanaa samaha iyo raadinta wanaagga ummadda Soomaaliyeed, isla markaana xilliyo kala duwan oo dalku soo maray u soo adeeggay Qaranka Soomaaliyeed.
Ra’iisul Wasaaruhu waxa uu Alle uga baryay marxuumka in uu Jannatul Fardowsa ka waraabiyo qoyskiisa, qaraabadiisa, golihii uu ka tirsanaa iyo guud ahaan ummadda Soomaaliyeed ee uu ka baxayna Samir iyo iimaan uu ka siiyo.
