Madaxweyne H.E. William Samoei Ruto ayaa xarunta Madaxtooyada dalka Kenya ku qabtay kulan gaara uu kula kulmayay dublomaasiyiinta dalalka shisheeye ee jooga dalka Kenya.
Danjire Jabriil Ibraahim Cabdulle, Danjiraha Soomaaliya ee dalka Kenya ayaa ka mid ahaa dublomaasiyiintii lagu martinqaaday kulankaas gaarka ahaa.
“Waxaa la igu casuumay ka qeybgalka kulanka xogwareysiga ah ee uu Madaxweynaha Kenya H.E. William Samoei Ruto, la qaatay Dibloomsiyiinta fadhigoodu yahay magaalada Nairobi, kaasi oo ka qabsoomay Aqalka Madaxtooyada. Kulanka ayaa Dowlada Kenya ku soo bandhigtay kuna muujisay aragtida istaraatiijiyadeed ee Kenya ee ku aaddan dhanka horumarinta xiriirka caalamiga ah iyo in dib loo xaqiijiyo sida ay Kenya uga go’antahay sare u qaadida cilaaqaadka diblomaasiyadda iyo iskaashiga nabadda ee Gobalka”. Ayuu yiri Danjire Jabril.
SSoomaaliya iyo Kenya waa labo dal oo daris ah kuwaas oo xiriirkoodu uu xiligaan maraayo heerkii ugu sareeysay. Madaxweyne Ruto ayaa soo hadalqaaday xiriirka labada dal iyo doowrka
Dalka kenya ee ciidanka nabad ilaalinta ee Midowga Afrika oo ku sugan dalka Soomaaliya. Waxa uuna sheegay in uu si buuxda u garab taagan tahay dalka Soomaaliya.
