RADIO MUQDISHO:
Wasiirka Wasaaradda Dhallinyarada iyo ciyaaraha XFS Xildhibaan Maxamed Barre Maxamuud oo caawa ka qeyb galay afur wadareed iyo sagootin loo sameeyey ciyaartooyda da’yarta qarankeena 17-jirada kuwaasi oo ka qeyb galaya tartanka Kubadda Cagta da’yarta Afcon 2025-ka oo lagu qabanayo Morocco.
Xiriirka soomaaliyed ee kubadda cagta oo kaashanaya Wasaaradda Dhallinyarada iyo ciyaaraha ayaa caawa afur wadareedkan u sameysay ciyaartooyda macallimiinta iyo taageerayaasha Xulka da’yarta ee qarankeena.
Ciyaartooyda da’yarta qarankeena ayaa sanadkan ka qeyb galaya tartanka da’yarta Qaramada Qaarada Afrika, soomaaliya waxa ay kujirtaa group-ka C waxayna isku guruub yihiin xulalka Gambia Tunisia Senegal.
Xulka da’yarta qarankeena ayaa maalinta axadda ka amba bixi doona magaalada Muqdisho.
